د روسیې لوی درستیز نن د ناټو له اعلی سرقوماندان سره وکتل
ویلاري ګراسیموف او کرټیس سکاپاروتي د سوريي د جګړې په اړه خبرې وکړې.
دغه راز دواړو لوړ رتبه پوځي قوماندانان په اروپا کې د ناټو او روسيي د پوځي فعالیتونو په اړه هم بحث وکړ.
تاس خبري اژانس د ډیپلوماټیکو سرچینو په حواله ویلي دي چې ګراسیموف او سکاپاروتي د روسيې او ناټو ترمنځ د پوځي ټکر د مخنیوي او په اروپا کې د روسيې او ناټو تړون د فعالیتونو پر موضوع هم خبرې وکړې.
دا له ۲۰۱۳ مېلادي کال راهیسې د روسيې او ناټو تړون د لوړ رتبه پوځي مشرانو لومړنۍ غونډه ده.
پخواني معلومات
خبري رسنۍ د روسيې د دفاع وزارت په حواله وايي چې د دې هېواد لوی درستیز او د ناټو تړون اعلی سر قوماندان نن په اذربایجان کې له یو بل سره ویني.
ویلاري ګراسیموف او کرټیس سکاپاروتي به د سوريې د جګړې په اړه خبرې وکړي.
دغهراز ټاکل شوې ده چې دواړو لوړ رتبه پوځي قوماندانان په اروپا کې د ناټو او روسيې د پوځي فعالیتونو په اړه هم وغږېږي.
تاس خبري اژانس د ډیپلوماتیکو سرچینو په حواله ویلي دي چې ګراسیموف او سکاپاروتي به د روسيې او ناټو ترمنځ د پوځي ټکر د مخنیوي پر موضوع هم خبرې وکړي.