ارزګان کې طالبانو د مخابراتي شبکو ۹ انتنونه سوځولي
د ولایت مقام ویاند دوست محمد نایاب د شنبې په ورځ ازادي راډيو ته وویل چې طالبانو د دغه ولایت په مرکز ترینکوټ او دهراوود ولسوالۍ د لویې لارې پرسر مرچې سیمه کې د بېلابیلو مخابراتي شبکو دغه ۹ انتنونه له تېرو دوو ورځو راهیسې سوځولې دې.
نایاب وایې، په سوځول شویو مخابراتي انتنونو کې ۴ د افغان بیسم، دوه د اتصالات او درې یې د روشن مخابراتي شرکت اړوندې دي.
نوموړی وايي، که څه هم له دې وړاندې یادو شرکتونو په دغه ولایت کې په ۲۴ ساعتونو کې ۶ ساعته فعالیت درلود، خو په خبره يې چې اوس يې ټول فعالیتو په ټپه درولي دي.