مون: د دوو کوریاوو تر منځ خبرې به سولې ته د رسېدو لپاره کافي نه وي
ښاغلي مون نن چهارشنبه د سیاسي ګوندونو مشرانو ته وروسته له هغه دا خبره وکړه چې د جنوبي کوریا پلاوي له پیونګ یانګ څخه تر تاریخي سفر وروسته، د هغه هېواد د مشر کیم یونګ اون دا وړاندیز په ډاګه کړ.
ښاغلی مون وایي ، موږ اوس په لومړنیو کرښو کې یوو.
د جنوبي کوریا ولسمشر دغه راز د مذاکراتو میز ته د راتګ په بدل کې له پیونګ یانګ سره د پټو موافقو ادعاوې هم رد کړې.
هغه واېي شمالي کوریا ته به داسې ډالۍ نه وي.
د جنوبي کوریا مشر له متحده ایالاتو سره د نېږدې همکاریو پر اهمیت بیا ټینګار وکړ او هغه یې د خپل امنیت تضمین وباله او زیاته یې کړه:
"زه فکر کوم، د اټمي وسلې د له منځه وړلو په اړه خبرې به یوازې هغه وخت وشي چې جنوبي کوریا او د امریکا متحده ایالات پر دې موضوع یو ګډ دریځ غوره کړي."
مون همدا راز وویل چې د دوو کوریاوو تر منځ خبرې به سولې ته د رسېدو لپاره کافي نه وي.