افغان کرکټ ټیم د ۲۰۱۹ کال نړیوال جام لپاره تمرینات پیل کړل
د افغانستان د کرکټ بورډ د ویاند مرستیال شرف الدین شاکر نن ازادي راډيو ته وویل افغان لوبډله له تمریناتي کمپ وروسته له ویسټ انډیز او نیدرلینډ سره تمریناتي سیالۍ هم لري.
د راتلونکي نړیوال جام د غوراوي پړاو رسمي سیالۍ د مارچ د میاشتې په څلورمه نېټه د زېمبابوې په کوربه توب پیلېږي.
په دغو سیالیو کې لس لوبډلې ګډون کوي او په دوه ګروپونو وېشل شوي دي.
افغانستان په ب ګروپ کې د کوربه هېواد زېمبابوې،سکاټ لینډ،هانک کانګ او نیپال سره مخامخ کېږي.