چارواکي: کابل کې د ملګرو ملتونو یوه افغانه کارکوونکې تښتول شوې
د دې وزارت مرستیال ویاند نصرت رحیمي ازادي راډيو ته وویل چې پېښه د نن سهار په شااوخوا شپږ بجې د کابل ښار د ۱۷مې امنیتي حوزې اړوند سیمه کې رامنځته شوې ده.
ښاغلي رحیمي همداراز وویل چې په سیمه کې د ملګرو ملتونو یو موټر چې اغلې زرمینهيې دفتر ته انتقالوله، پاتې دی او یو جسد هم موندل شوی چې ګومان کېږي، د تښتوونکو له لورې به وژل شوی وي.
نوموړی وايي، تر دې دمه د وژل شوي کس هویت نهدی ښکاره شوی.
ښاغلي رحیمي دا هم وویل چې د پېښې د څرنګوالي په هدف پولیسو پلټنې پیل کړي او وروستي جزئیات به وروسته له رسنیو سره شریک کړي.