د افغانستان او هند د کرکټ لوبې نېټه او ځای به په ډاګه شي

تمه ده نن سې شنبه «۱۳۹۶ کال د مرغومې ۲۶» ماښام په هند کې د افغانستان او هندوستان د کرکټ بورډ مسؤلین په يوه خبري ناسته کې د دواړو هېوادونو ترمنځ د کېدونکې لومړۍ ټېست لوبې په اړه رسنیو ته معلومات ورکړي.


د افغانستان د کرکټ بورډ مرستیال ویاند شرف‎الدین شاکر نن سې شنبه «۱۳۹۶ کال د مرغومې ۲۶» ازادي راډیو ته وویل چې په دغې خبري ناسته کې به د يادې پنځه ورځنۍ يا ټېست لوبې نېټه او ځای په ډاګه شي.


د ښاغلي شاکر په خبره، د دې تر څنګ د دواړو هېوادونو د کرکټ بورډ مشران به د کرکټ په برخه کې د دوه اړخیزو همکاریو په پياوړتیا هم خبرې وکړي.