دفاع وزارت: عملياتو تر ٧٠ زيات مخالف وسلهوال وژلي دي
دغه وزارت نن په يوه اعلاميه کې ويلي، د دغو پوځي عملياتو په نتيجه کې چې په تېرو ٢٤ ساعتونو کې شوي ٧٦ وسلهوال وژل شوي او ١٤ تنه مشکوک کسان نيول شوي دي.
اعلاميه وايي، په وژل شويو وسلهوالو کې د وسلهوالو طالبانو ٣ سيمهييز قوماندانان هم شامل دي.
دفاع وزارت وايي، دغه پوځي عمليات په ننګرهار، لغمان، نورستان، غزني، ارزګان، هرات، نيمروز، فارياب او جوزجان ولايتونو کې شوي دي.
د ملي اردو د تلفاتو په اړه معلومات نهدي ورکړل شوي، د دولت کومې مخالفې ډلې هم په دې اړه تبصره نهده کړې.