Во Менхетен ќе се отворат вратите на првото државно рускојазично училиште

Ова го соопшти за ТАСС претседателот на руско-американскиот центар „Наследство“. „Со новата учебна година во 145-то училиште во реонот на Колумбискиот универзитет започна програма, според која целата настава ќе се одвива на два јазика, - појасни таа. - Половина ден децата ќе учат општообразовни предмети на руски, половина ден - на англиски јазик . Освен тоа, во класовите ќе бидат запишани како деца на рускојазични семејства, така и на Американци чиј мајчин јазик е англискиот.

Интересот за русистиката во иднина ќе расте

Во новата учебна година ќе стартуваат два класа по руски - подготвителен и прв, а со секоја наредна година ќе биде додавано по едено ново наставно одделение. Во секое одделение ќе се обучуваат 24 лица - 12 рускојазични и 12 деца чиј мајчин јазик е англискиот. „Повеќето родители кои сакаат да ги испратат своите деца во ова училиште се од мешани семејства во кои едниот од сопружниците зборува руски, а другиот е Американец - истакна Олга Иљашенко, еден од иницијаторите за отворање на училиштето. - Родителите сакаат нивните деца да заборават руски, да читаат литературата во оригинал, да пишуваат и зборуваат слободно на руски, да ги познаваат културата и традицијата“.