Курти – Потребни ни се нови избори на северот, но со владеење на правото

Косовскиот премиер Албин Курти оцени дека е неопходно да се одржат предвремени избори во општините на север во Косово, но со слободна предизборна кампања.


Тој вели дека за такво нешто е потребно владеење на правото.


„Значи, во една средина во која нема заплашување и нема криминалци. Тоа е она што го сакаме и мораме да го воспоставиме заедно“, рече Курти во видео обраќањето до српската заедница на нивниот мајчин јазик.


Тој рече и дека „со владеење на правото постепено може да се намали бројот на полицајци во општинските згради“.


На 26 мај Косово по насилен пат ги зазеде општинските згради во Звечан, Лепосавиќ и Зубин Поток, на што остро се спротивстави српското население, кое е мнозинство во тој регион.




Во тие згради работат и паралелни општини по српски систем, кои се нелегални за Косово.


Инаку, локалните Срби на северот на Косово ги бојкотираа априлските избори и сега не ги прифаќаат резултатите.


Тие од 29 мај секојдневно протестираат со барања градоначалниците Албанци да не доаѓаат на работа и целосно да се повлечат специјалните единици од северот.

Во меѓувреме, Меѓународната заедница побара од Приштина и Белград итна деескалација и враќање на дијалогот за нормализација на односите.