Во изминатите три години во Македонија беа направени успешни трансплантации на срце, коскени ткива и црн дроб. Во 2023 година се планира да се изврши трансплантација на очни ткива. Во разговор за РСЕ, доктор Маја Мојсова-Мијовска, национален координатор за трансплантации на органи и ткива, вели дека свеста за важноста на органодарителството е зголемена, а чинот на дарување го опишува како најблагороден и најхуман.
