Собраниска комисија во Црна Гора оцени дека Ѓукановиќ го прекршил Уставот
Предлогот беше поднесен и изгласан од парламентарното мнозинство на просрпскиот и прорускиот Демократски фронт (ДФ), Демократите и граѓанското движење УРА, кои имаат 41 од вкупно 81 пратенички мандат.
Опозицијата не присуствуваше на седницата.
Во образложението на предлогот се наведува дека Ѓукановиќ не му предложил на Собранието претставник за состав на новата Влада по изгласувањето недоверба на Владата на премиерот Дритан Абазовиќ на 20 август.
Илјадници граѓани синоќа протестираа во Црна Гора со барање за нови избори
Во него се додава дека Ѓукановиќ на разговорите за мандатот не ги поканил ниту сите претставници на парламентарните партии - Демос, Обединета Црна Гора, Права Црна Гора, Работничката партија и Граѓанската алијанса Цивис.
Тоа се партии кои имаат по еден пратеник, а конституенти се коалицијата предводена од ДФ и УРА.