Луѓето во јужнокорејската престолнина Сеул се во жалост откако вчера најмалку 151 лице загинаа во стампедо предивикано од толпата во тесна уличка за време на прославата на Ноќта на вештерките.
Јужнокорејскиот претседател Јун Сук Јеол прогласи национална жалост на 30 октомври и нареди знамињата да се спуштат на половина копје.
„Се чувствувам тешко и не можам да ја задржам мојата тага како претседател кој е одговорен за животите и безбедноста на луѓето“, рече Јун.
Официјалните лица денеска соопштија дека бројот на загинати може да се зголеми бидејќи 19 од 82 повредени лица, наводно, се во тешка состојба. Деветнаесет од загинатите, наводно, се странски државјани, иако нивната националност не е објавена.
Градската влада на Сеул соопшти дека била контактирана од повеќе од 2.000 луѓе кои барале исчезнати роднини.
Повеќе од 100.000 луѓе го преполнија градскиот кварт Итаевон на 29 октомври за најголемата прослава на Ноќта на вештерките во земјата откако глобалната пандемија на Ковид-19 ги принуди официјалните лица да воведат остри ограничувања на јавните собири. Тие ограничувања беа олеснети во последните месеци.
