Серија хакерски напади врз веб-страниците на бугарската Влада и министерствата за внатрешни работи и за одбрана се извршени денеска. Одговорноста за хакерскиот напад ја презеде руската група „We are killnet“.
Нападот првично почнал со напад кон сајтот на претседателството, додека владините веб страници се отвораа, иако побавно од вообичаено. Владините веб страници и систеи имаат воведено заштита од таков тип на хакерски напади во 2015 година откако руски хакери ги погодија веб-страниците на ЦИК, Министерството за внатрешни работи и други институции за време на локалните избори.
Бугарскиот Главен обвинител, Иван Гешев, соопшти дека нападите врз бугарските институции дошле од рускиот град Магнитогорск.
„Цел на нападот не е претседателството, туку бугарската држава,“ коментираше главниот обвинител Иван Гешев.
Тој оцени дека проблемот е сериозен и очекуван.