Истакната студентка и активистка за човекови права Бахарех Хедијат беше уапсена рано на 3 октомври во Техеран, објави Би-Би-Си, среде бранот протести предизвикани од смртта на една млада жена во притвор.
Махса Амини, почина на 16 септември, откако беше приведена од пморалната полиција, бидејќи наводно премногу опуштено ја носела марамата.
Хедијат е поранешна политичка затвореничка која неколку пати била апсена и затворана.
Полицијата се судри со демонстрантите на Универзитетот во Техеран
Глобални протести поради смртта на Иранката Махса Амини
Друг политички активист и поранешен студентски активист, Хосеин Масуми, беше исто така приведен на 2 октомври. Неговото семејство не знае каде е.
Веќе 16 дена во Иран има бран апсења на политички и граѓански активисти од почетокот на националните протести во таа држава.
Претходно денеска, наставата беше прекината и „префрлена“ на интернет на иранскиот универзитет Шариф, која е водечка високообразовна институција и традиционално жариште на несогласување, откако во текот на ноќта избија судири меѓу студентите и безбедносните сили, објавија локалните медиуми.
