Изборите во Бразил одат во втор круг во кој левичарот Луис Инасио Лула да Силва ќе се соочи со актуелниот екстремно десничарски претседател Жаир Болсонаро. Со речиси сите преброени гласови, Лула освои 48 проценти наспроти 43 проценти за Болсонаро. Меѓутоа, Лула не успеа да постигне повеќе од 50 отсто од важечките гласови потребни за да се спречи вториот круг. Гласачите сега имаат четири недели да одлучат кој од двајцата треба да го води Бразил. Победата во првиот круг отсекогаш била тешка задача за секој кандидат - последен пат тоа се случило пред 24 години.
Болсонаро вети чистење на Бразил од „црвените“
За Лула – кој не можеше да се кандидира на изборите во 2018 година, бидејќи беше во затвор откако беше осуден по обвинение за корупција – ова претставува извонреден враќање. И Болсонаро, за кого истражувањата на јавното мислење покажаа дека е далеку зад Лула, ќе се радува на фактот што им докажал на анкетарите дека грешат, пренесува Би-би-си. Двајцата се лути ривали и поминаа голем дел од кампањата тргувајќи со навреди. Во последната ТВ дебата пред гласањето, Болсонаро го нарече Лула крадец, во врска со обвиненијата за корупција поради кои тој беше затворен на 580 дена пред да биде поништена пресудата. Лула пак го нарече Болсонаро лудак. Гласањето, на кое можеа да учествуваат 156 милиони гласачи, помина без насилство или поголеми инциденти во најголемата земја во Латинска Америка.
