Американскиот претседател Џо Бајден сака да го покрене прашањето за реформите на Советот за безбедност во Генералното собрание на ОН, изјави синоќа американскиот советник за национална безбедност Џејк Саливан. Американскиот претседател „ќе зборува сериозно за прашањето за реформите на Советот за безбедност во Њујорк“, им рече Саливан на новинарите пред говорот на Бајден на генералната дебата на Генералното собрание на ОН во Њујорк. „Сè уште одредуваме дали тоа ќе биде јавно или во разговори со генералниот секретар на ОН Антонио Гутереш и други“, рече Саливан, додавајќи дека е „многу можно“ Бајден јавно да зборува за тоа.
Во Њујорк почнува дебатата на Генералното собрание на ОН
Прашањето за реформирање на Советот за безбедност често се наметнува кога ќе дојде до меѓународна криза, бидејќи една од петте постојани членки (САД, Русија, Кина, Велика Британија и Франција) може да го искористи правото на вето и на тој начин да го блокира усвојувањето на резолуција.
