Пожарот на фабриката Македонија табак во Тетово е ставен под целосна контрола, делумно е изгаснат и се работи на негово целосно гасење, соопшти Центарот за управување со кризи (ЦУК).
Групата за процена во ЦУК проценила дека нема опасност од ширење на пожарот во Тетово и заклучила дека не се исполнети условите за прогласување на кризна состојба на дел од територијата на земјата на подрачјето на општина Тетово.
Ангелов - Нема опасност од отровни гасови од пожарот во Тетово
Пожарот изби утринава во 9 часот, а во гаснење учествуваа и полициски хеликоптери. На помош на тетовските пожарникари им пристигнаа и колеги од Скопје и од Гостивар, а побарана била и помош од АРМ.
Општина Тетово, иако претходно најави дека во наредните два дена нема да се одржува настава во училиштата поради загадениот воздух од чадот од пожарот, сепак ги повика учениците утре да дојдат на училиште.
