Специјализираните совети за Косово во Хаг денеска го осудија лидерот на Здружението на воени ветерани на Ослободителната војска на Косово (ОВК), Хисни Гучати на четири и пол години затвор и парична казна од 100 евра, а иста казна доби и Насим Харадинај. Обвинителството за двајцата побара шест години затвор.
Гучати и Харадинај се прогласени за виновни за кривични дела против правосудството, односно за попречување на службени лица во вршење на службената должност, заплашување на сведоци и повреда на тајноста на постапката. Тие беа ослободени од точката која ги товареше за одмазда.
Пресудата го вклучува времето поминато во притвор во Хаг, од 25 и 26 септември 2020 година.
Поранешните припадници на ОВК се изјаснија за невини по новите обвиненија за воени злосторства
Обвинетите присуствуваа на седници на два Специјализираните совети во Хаг, со кои претседаваше американскиот судија Чарлс Л. Смит.
„Панелот утврди дека во септември 2020 година Гуцати и Харадинај откриле доверливи информации на три прес-конференции, на над дваесет настапи во медиумите и преку соопштенија на социјалните мрежи поврзани со истрагите и работата на Специјалната истражна работна група на Специјалното обвинителство.
Овие информации беа заштитена со закон, а содржеа имиња на стотици сведоци и потенцијални сведоци.
Обвинетите овие информации ги откриле со приложување на документи кои ги содржеле тие информации; им дозволиле на други лица да ги гледаат, снимаат, фотографираат и јавно ја опишувале нивната содржина.
Покрај овие дејствија, советот утврди дека обвинетите јавно ги нарекувале сведоците „предавници“, „шпиони“, „соработници“ и лица кои „говорат само албански“, се вели во соопштението на Специјализираните совети за пресудата.
