Нов Зеланд денеска соопшти дека границите на земјата ќе останат затворени за странци до крајот на април, додека властите во Велингтон усвојуваат нова стратегија за борба против коронавирусот. Министерот за одговор на епидемијата на коронавирус Крис Хипкинс рече дека Новозеланѓаните кои се во Австралија ќе може да се вратат во земјата од средината на јануари, додека оние кои се блокирани во други делови на светот ќе го почекаат февруари.
Крај на карантинот, Нов Зеланд ја напушта политиката на нула ковид
Според денеска објавениот план за постепено отворање, странците ќе може да ја посетат земјата од крајот на април.
„Се наѕира крај на ограничувањето на патувањата“, изјави денеска Хипкинс.
Нов Зеланд ги затвори границите во март 2020. Сите кои доаѓаа од странство мораа да поминат две недели карантин во хотел. Овој период неодамна беше намален на седум дена.
Премиерката Џасинда Ардерн во понеделникот рече дека од 2 декември Нов Зеланд ќе почне да применува нови методи во борбата против ковид-19, настојувајќи да го сузбие делта сојот на вирусот, наместо да се обиде целосно да го елиминира.
Од коронавирус во петмилионскиот Нов Зеланд досега починаа 40 луѓе. Се зголемува притисокот на јавноста за окончување на карантинот во Окланд воведен во август кога беше детектиран делта сојот.
Властите оваа недела најавија дека во Окланд од почетокот на декември карантинот веќе нема да има карантин.