Висок напон кој дошол до трансформаторот преку електроенергетскиот систем е причина за пожарот во Блок 3 на РЕК Битола, покажуваат првичните наоди, информира денеска АД ЕСМ.
Од компанијата велат дека се работи на оспособување на трансформаторот на Блок 3 во РЕК „Битола“ кој беше оштетен во пожарот минатиот петок.
Генералниот директор и директорот на производство во АД ЕСМ, Васко Ковачевски и Благојче Трповски најавија формирање на експертски тим од енергетските компании кој ќе ги дефинира чекорите за спречување на слични појави во иднина.
Владата прогласи кризна состојба во енергетскиот сектор
Во соопштението се наведува дека завршуваат и активности за заокружување на процесот на т.н. нега на Блок 2 кој во недела треба да биде ставен во функција.
Поради пожарот на Блок 3 минатата недела еден ден не работеше ниту Блок 1, а Блок 2 се сервисира.
Пожарот во блокот на РЕК доаѓа во време кога има светска енергетска криза, поради високите цени на енергенсите. Македонската влада на 9 ноември прогласи кризна состојба во енергетскиот сектор во траење од 30 дена.