Претседателите на држави и влади од Г20 на собирот во Рим го одобрија договорот за реформа на меѓународниот даночен систем, со кој би требало да се укинат даночните засолништа со воведување минимален корпоративен данок од 15 отсто на добивка на мултинационалните компании.
САД и Г20 работат на глобален данок за корпорациите
„Сите претседатели на земјите од Г20 го одобрија историскиот договор за новите меѓународни даночни прописи, па така и за минималниот меѓународен данок, кој ќе го прекине натпреварувањето за намалување на данокот кога станува збор за оданочување на комапниите“, рече во соопштението американската министерка за финанасии Џенет Јелен. Новите правила би требало да стапат на сила од 2023 година, а официјално ќе биде потврден во завршната изјава на Г20 денеска, велат извори блиски до преговорите во Рим.
Предлогот за глобален минимален данок поддржан од 130 земји
Договорот на почетокот на октомври го постигнаа 136 земји кои со повеќе од 90 отсто учествуваат во светскиот БДП, под покровителство на Организацијата за економска соработка и развој. Реформата треба да им овозможи на овие земји, благодарение на овој минимален данок, да остварат дополнителна заработка од некои 150 милијарди долари. Дел од договорот е и обврската дел од данокот на добивка мултинационалните компании да плаќаат во змејата во која ја оствариле добивката. Значи, данок нема да плаќаат повеќе во земјата во која се регистрирани.
