Мониторингот на ЦИВИЛ утврдил дека денешното гласање на лицата во притвор и на издржување казна затвор не започнало навремено во КПУ Идризово, односно таму гласањето започнало дури во 8:20 часот.
Од ЦИВИЛ очекуваат управата и Избирачкиот одбор во КПУ Идризово да го почитуваат принципот според кој треба да се продолжи гласањето во избирачките места за толку време колку што траел прекинот, односно доцнењето.
Во мониторингот на ЦИВИЛ се бележат и неколку други недостатоци. Во КПУ Куманово, од 56 лица, само 38 се на Избирачкиот список. Во КПУ Битола, 20 лица недостасуваат во Избирачкиот список.
ЈО ќе следи евентуални изборни нерегуларности
Почнува гласањето за болните, немоќните, лицата со ковид, затворениците
„На почетокот на гласањето во КПУ Прилеп и Битола, на гласачите не им било дозволено гласањето со т.н. „домска карта“, за разлика од сите други КПУ каде што тоа било дозволено. Некаде околу 9 часот, овој проблем е надминат и сега гласачите во КПУ Прилеп и Битола можат да го остварат своето право на глас со „домска карта“, како и во сите останати КПУ, соопштија од ЦИВИЛ.
Од оваа невладина организација ги повикуваат граѓаните да пријавуваат кршење на изборниот молк и други нерегуларности во текот на гласањето денеска и утре.
