Ангела Ѓорѓиевска која беше обвинета за помагање во извршување на убиствотона 26 годишниот Пинета Секондо-Пино, денеска во Основниот кривичен суд во Скопје повторно беше осудена на 19 години затвор.
Пресудата во повтореното судење следува откако претходната беше укината од Апелацискиот суд во Скопје и предметот беше вратен на повторно судење. Причината за повторното судење беа вештачењата кои овој пат беа разјаснати од самите вештачи.
19 години затвор за Ангела Ѓорѓиевска за убиството на Пинета Секондо Пино
Адвокатите на осудената ќе ја обжалат и оваа пресуда, велат обвинителството нема докази дека Анѓела била соучесник. Обвинетиот за извршување на убиството, Али Фуркан, пак, сè уште е во бегство.
Пино Секондо исчезна на 11 декември 2018- та година. По него се трагаше речиси половина година. Неговото тело беше пронајдено случајно во дупка ископана на Љуботен.
Судењето за овој предмет го водеше судијката Ленка Давидкова, а застапник на обвинението е јавната обвинителка Лидија Раичевиќ.
