Украинските пратеници го одобрија законот кој има цел да го ограничи влијанието на олигарсите, еден ден откако автомобилот на советник на претседателот Володимир Зеленски кој се залагаше за реформата, беше изрешетан со куршуми додека се возеше низ едно село.
Пукано кон автомобилот на советникот на украинскиот претседател
Предложениот текст познат како „закон за олигарси“, денеска беше усвоен од Врховната Рада во второто и последно читање. Законот, кој сега мора да се биде потпишан од претседателот Зеленски, воведува правна дефиниција за олигарх, формирање на регистар на тајкуни и воведува ограничувања за нивните активности, како што е забрана за финансирање на политички партии.
Тимот на Зеленски навести дека незадоволството од законот може да биде причина за вчерашниот обид за убиство на Сехиј Шефир, близок соработник и пријател на претседателот. Шефир не беше повреден, но неговиот возач е хоспитализиран со прострелни рани.
Американски санкции за украински тајкун
САД долго време ја повикуваат Украина да се справи со неколкуте магнати кои имаат огромно политичко влијание зад сцената на штета на земјата и нејзините граѓани. Сепак, критичарите на законот предупредуваат дека предложениот текст отвора простор за субјективно таргетирање.
Според законот, Украинскиот Совет за национална безбедност и одбрана ќе донесе конечна одлука дали некој поединец ги исполнува критериумите за лице кое има значително економско или политичко влијание во јавниот живот, односно олигарх. Советот на министри, членови на Централната банка. Советот за одбрана, Антимонополското министерство или Службата за безбедност имаат право да предложат име на магнат разгледување од страна на Советот за национална безбедност.
