Дождот што заврна синоќа во струмичко го стави под контрола пожарот на планината Готен, кај селото Нивичино.
Според градоначалникот на Општина Василево, Марјан Јанев, не се дозволува ширење на пожарот, кој гори повеќе денови.
Во „Рагуза“ имало свадба кога избувнал пожарот
„Денеска продолжуваме со гаснење со координирана акција на сите институции и месното население. Дождот кој заврна синоќа околу 21:30 часот помогна да се стави пожарот под контрола и од утрово почнуваме со негово локализирање со засекување на линијата на ширење. На многу места има изгорени големи дрвја, кои сè уште тлеат и ќе треба време да бидат изгаснати“, рече градоначалникот на Василево, Марјан Јанев.
Пожарот зафати букова, дабова и габерова шума, како и лисната маса на поголема површина, а заради непристапноста на теренот отежнато е гаснењето.
