Модерна соопшти дека нејзината вакцина против ковид-19 била околу 93% ефикасна четири до шест месеци по втората доза, покажувајќи едвај некаква промена од ефикасноста од 94% пријавена во првото клиничко испитување. Тоа се споредува поволно со податоците објавени од ривалите Фајзер и Бионтек минатата недела, во кои тие сугерираа дека ефикасноста на нивната вакцина опаѓа околу 6% на секои два месеца, и е околу 84% шест месеци по втората доза. Вакцините на Модерна и на Фајзер-Бионтек се базирани врз технологија за гласник РНК.
ЕМА откри можна врска на срцево воспаление и вакцините на Фајзер и Модерна
„Многу сме задоволни што нашата ефикасност на вакцината против ковид-19 е стабилна на 93% од четири до шест месеци“, рече извршниот директор на Модерна, Стефан Бансел. Модерна оствари продажба во второто тримесечје од 4,4 милијарди долари, малку над просечната проценка од 4,2 милијарди долари. Нејзината вакцина е првиот овластен производ на фирмата и продажбата беше само 67 милиони долари во истиот период минатата година. Трајна вакцина може да значи дека примателите можеби ќе можат да чекаат подолго време помеѓу инјекциите и можеби нема да им требаат дополнителни дози.
СЗО повика на мораториум на трета доза на вакцинација против ковид-19
Властите за јавно здравје ширум светот кои се борат со многу преносливата варијанта делта, дебатираат дали дополнителните дози на вакцини против ковид-19 се безбедни, ефикасни и неопходни. Фајзер планира да побара одобрување за трета инјекција на својата вакцина подоцна овој месец, а некои земји - како Израел - веќе започнаа или планираат наскоро да започнат со администрирање инјекции на постари или инаку ранливи луѓе.
