Пожарот кај Пехчево се наближува до границата со Бугарија, јавува бугарската агенција БГНЕС. Како што се наведува оганот е на два километри од границата, а чадот се чувствувал до бугарските градови Благоевград, Симитли и дури до Сандански. Од општината Симитли, како што јавува агенцијата, излегле со соопштение до жителите на високопланинските села да бидат внимателни и да се обидат да се симнат во градот.
Во меѓувреме бугарскиот службен премиер Стефан Јанев на сослушувањето во парламентот рече дека ако состојбата со пожарите продолжува да се влошува во Бугарија ќе побараат помош со авиони од други земји. Тој прецизираше дека во моментов државата ума само еден хеликоптер за гаснење пожари.
