ускиот суд ја отфрли тужбата на затворениот опозициски политичар Алексеј Навални кој се жалеше на одлуката со која на неговите адвокати им се забранува да внесуваат мобилни телефони и лаптоп компјутери во затворот за време на посетите.
Судија во окружниот суд во рускиот град Владимир денеска однесе одлука против жалбата на Навални, без да даде објаснување за пресудата.
Рускиот опозиционер, еден од најгласните критичари на рускиот претседател Владимир Путин, беше уапсен во јануари по враќањето од Германија, каде што пет месеци се опоравуваше од труење со нервен агенс. Тој за труењето го обвинува Кремљ, а руските власти ги отфрлаат таквите обвинувања.
Во меѓувреме руското тело за регулација на медиуми побара од компанијата Јутуб да го блокира каналот на Навални. Роскомнадзор во својот регистер на забранети материјали го додавал и Јутуб каналот на Навални.
Роскомнадзор ги блокираше интернет страниците на Навални
Претходно руските власт донесоа одлука да се забрани организацијата на Навални, означувајќи ја како екстремистичка, но таа одлука не стапи на сила, оти беше обжалена.
