Интензивно се истражуваат причините за пожарите што избувна во различни делови на Турција, изјави турскиот претседател Реџеп Таип Ердоган. Тој по петочната молитва во одговор на новинарски прашања рече дека се испитува дали опожарувањата се намерни.
Ердоган додаде дека политиката, шпекулациите и пристапот на политичките партии во однос на пожарите е навистина тажен, пренесува Анадолија.
Четворица загинати во пожарите во Турција, службите се борат да ги стават под контрола
Турскиот претседател вели дека Министерството за внатрешни работи и разузнавачките служби работат напорно во однос на ова прашање и дека истрагите ќе покажат што точно се случило.
„Но, ова не е работа што може да се игнорира. Бидејќи се случуваат во различни региони, но во исто време. Започнуваат во Манавгат, но истовремено избувнуваат и во Мугла, Мармарис и Бодрум, додаде Ердоган.