По организирана забава на грчкиот остров Иос, потврдени се најмалку 14 позитивни случаи кај млади кои синоќа се вратиле во Атина и веднаш биле тестирани на атинското пристаниште Рафина.
Градоначалникот на Рафина Евангелос Бурнус за грчката телевизија „ЕРТ“ објасни дека од Атина за Иос заминала група од околу 30 лица, на островот се запознале со други друштва и заедно биле на голема забава, по што некои појавиле симптоми, не им било дозволено да патуваат и останале на Иос, а останатите, поголема група, се вратиле во Атина, но биле изолирани во бродот и тестирани по пристигнувањето.
Младите помалку скептични за вакцините - „филозофите“ нека му ја мислат
Министерот за здравство на Грција Василис Кикиљас говорејќи исто така за „ЕРТ“ потврди дека од 81 направен тест на младите кои стигнале во Атина, биле регистрирани 14 позитивни случаи, а просечната возраст е 17 години.
Попладнево, мобилни единици на Националната организација за јавно здравје на Грција се на атинското пристаниште Пиреа каде што вршат тестирања на патниците кои пристигнуваат од островите.
Пред неколку дена во Атина беа регистрирани околу 100 позитивни случаи на ковид-19 кај тинејџери кои биле на забава во бар на плажа во Атина, а како што пишува грчката новинска агенција АНА-МПА, Обвинителството наредило да се спроведе прелиминарна истрага за тоа дали на забавата имало прекршување на мерките.
