Вчера против ковид биле вакцинирани 13.628 граѓани, соопшти Министерство за здравство. Прва доза вакцина вчера примиле 10.940 граѓани. На вакциналните пунктови во државата заклучно со вчера вакцинирани се вкупно 310.384 граѓани, вкупно се аплицирани 529.445 дози вакцини, а ревакцинирани се 219.061 граѓани.
Според Министерството за здравство, со последните бројки 52 отсто од населението над 70 години имаат примено барем една доза вакцина, 49 отсто од граѓаните над 65 години се вакцинирани со барем една доза вакцина и 42 отсто од населението над 60 години е вакцинирано со барем една доза вакцина.
Помасовна кампања за вакцинирање во Македонија
Масовна вакцинација се одвива во неколку градови во државата и тоа во А1 СЦ Борис Трајковски во Скопје, во спортските сали во Кавадарци, Куманово, Тетово, Штип, Битола, Струмица, Охрид, Велес и Прилеп, велат од Министерството и апелираат граѓаните масовно да се пријавуваат на vakcinacija.mk бидејќи, нагласуваат, тоа е најлесниот и најбрз пат да се вакцинираат.
Пред неколку денови пристигнаа 100 илјади дози на Фајзер и 500 на Синовак.
