САД укинаа две строги регулативи од времето на администрацијата на поранешниот претседател Доналд Трамп, што го отежнуваа добивањето на азил на имигрантите од Централна Америка, жртви на насилство.
Американскиот секретар за правда Мерик Гарланд изјави дека судиите повеќе не треба да ги применуваат правилата од ерата на Трамп, со кои им беше отежнато добивањето на азил на мигрантите кои ги напуштиле своите домови поради насилство во семејствата или од вооружени банди.
САД дозволуваат влез на 25.000 баратели на азил
Гарланд рече дека регулативите се укинати откако американскиот претседател Џо Бајден им наредил на министерствата за правда и за безбедност да подготват правила за комплексни прашања за законот за имиграција, во врска со групи луѓе кои треба да имаат право на хуманитарна заштита.
Потегот на Бајден може да ги зголеми шансите имигрантите од Централна Америка да добијат судски спорови пред имиграционите судови.