Лидерите на земјите од Г7 на Самитот во Британија презентираа инфраструктурен план за земјите во развој со цел да ја надминат Кина во нејзините обиди за ширење на влијание на глобално ниво. Американскиот претседател Џо Бајден ја обвини Кина за кршење на правата на малцинствата и ги повика своите колеги да застанат заедно во натпреварот против Пекинг.
Самитот во Британија беше прва средба со физичко присуство на лидерите на најмоќните седум економии во светот по речиси две години. Тие се договорија споделат од нивните вакцини против ковид-19 со земјите во развој и најавија дека ќе работат на создавање поправедна економија додека светот се справува со последиците од пандемијата.
Самит на земјите од Г7- Пандемијата и недостигот од вакцини во фокусот
Високи претставници на Белата Куќа на брифинг со новинарите истакнале дека Канада, Велика Британија и Франција го поддржуваат ставот на Бајден да ја предизвикаат Кина, додека Германија, Италија и ЕУ покажале поголема колебливост.
