Македонскиот премиер Зоран Заев на покана на претседателот на Турција, Реџеп Таип Ердоган, денеска ќе отпатува за Истанбул, каде што вечер ќе има работна вечера со претседателот Ердоган.
Како што соопшти владината прес-служба, се очекува да се разговара за повеќе области од заеднички интерес, како економијата, трговијата, здравството, како и за други теми од заеднички интерес.
Премиерот Заев на работната вечера со претседателот Ердоган ќе биде придружуван од министерот за здравство Венко Филипче.
