Франција, во координација со Египет и Јордан, предложи резолуција до Советот за безбедност на ОН која повикува на прекин на огнот во израелско- палестинскиот конфликт. Според соопштението од Париз, францускиот претседател Емануел Макрон и неговиот египетски колега Абдел Фатах ал Сиси се согласиле на оваа резолуција на видео конференција со јорданскиот крал Абдула втори.
„Трите земји се согласија на три едноставни елементи: Пукањето мора да престане, дојде време за прекин на огнот и Советот за безбедност на ОН мора да се зафати со ова прашање“, се вели во соопштението.
Нетанјаху: Израел ќе ги продолжи нападите врз терористички цели во Газа
Во меѓувреме, Советот за безбедност на ОН вчера го одржа четвртиот итен состанок околу израелско- палестинскиот судир во рок од 8 дена на кој не е издадено заедничко соопштение, затоа што според дипломатски извори, САД и натаму веруваат дека тоа не би придонесло за смирување на непријателствата.