Индија вчера го регистрираше најсмртоносниот ден од почетокот на пандемијата со 3689 починати во изминатите 24 часа, а вкупниот број заразени достигна 19,5 милиони луѓе, откако беа откриени над 392 илјади нови случаи, покажуваат владините податоци.
Ова е четврти дена по ред во кој има над 3000 починати од ковид-19 во Индија, која е жестоко погодена од вториот бран на пандемијата. Во земјата од заразата досега починаа над 215 илјади луѓе.
Индија е прва земја во светот која завчера надмина 400 илјади случаи дневно.
Болниците се преоптоварени со пациенти и се соочуваат со недостиг на кислород.
Премиерот Нарендра Моди денеска одржа состанок на кој беа разгледани мерките за сузбивање на огромниот пораст на заразите.
Индија вчера го прошири планот за вакцинација и дозволи да се вакцинираат сите постари од 18 години, но биле вакцинирани само 86 илјади луѓе, соопшти владата, зашто нема доволно вакцини.
Индија дозволи вакцинација на сите возрасни, ама нема вакцини
Во земјата, чиј здравствен систем е парализиран, пристигнува меѓународна помош од САД, Германија и други земји кои ветија поддршка.