Полицискиот час вечер нема да важи и граѓаните ќе можат слободно да се движат, со почитување на мерките за заштита - носење маска и држење дистанца. Ова е исклучок само за празникот Велигден и ограничувањето на движењето продолжува утре од 21 час до 05 часот.
Согласно одлуката на Владата од 27 април, со цел справување со пандемијата на КОВИД-19 на територијата на државата беше воведен полициски час од 21 часот до 05 часот, следниот ден, со исклучок за претстојните верски празници, Велигден и Рамазан Бајрам. Согласно тоа полицискиот час нема да важи од 1 кон 2 мај и на 12 кон 13 мај.
Верските лидери имаат обврска сè што може да се организира надвор, додека на граѓаните останува одговорноста да нема прекршување на мерките.
Владината одлука со која што се ублажија рестриктивните мерки, овозможи и работа на терасите на угостителските објекти, кои претходно беа целосно затворени, но до 20.30 часот.
