Приведена и портпаролката на Навални

Руската полиција ја привела и Кира Јармиш, портпаролката на затворениот опозициски политичар Алексеј Навални пред најавените денешни протести за негово ослободување.


„Јармиш беше приведена од полицијата додека го напушташе својот дом да оди на шопинг во Москва“, рече нејзиниот адвокат во посебна објава на Твитер, истакнувајќи дека според условите на нејзиниот куќен притвор, дозволено и е да биде надвор еден час на ден. Повеќе детали за нејзиното приведување засега нема.



Приведена соработничка на Навални


Претходно приведена беше и Љубов Собол, адвокатката на Фондацијата за борба против корупција на Навални.



Руските власти не дадоа дозвола за денешните протести за Навални


Московските власти соопштија дека не одобриле протест за поддршка на Навални, планиран за денеска, објави новинската агенција Интерфакс. Според нив, планираните протести се незаконски и ги предупредија луѓето да не излегуваат на улица. Состојбата на Навални нагло се влоши по штрајкот со глад од две и пол недели, што ги натера приврзаниците да кажат дека тој би можел да умре за неколку дена и објавија протест низ целата земја.