Гевгелискиот кризен штаб бара да се воведе полициски час во градот од 21,30 часот до 5 часот наутро поради растот на новозаболени од ковид-19. Во нивното барање до Главниот координативен штаб на Македонија за воведување на полициски час на територијата на општината на неопределено времесе наведува дека е потребно да се вратат претходните рестриктивни мерки и примена на мерките за заштита од ширење на ковид-19.
Покрај ова се бара, за територијата на Општината, да се преиспита зголемувањето на пополнетоста на автобусите на 75 отсто и таа да се врати на 50 отсто, како што беше претходно.
Од денеска, како што посочуваат од Кризниот штаб, се забрануваат групирања на јавни површини во Општината, во туристичките места Смрдлива вода и Негорски бањи како и во планинските села Конско, Серменин и Ума.
Неготино ќе бара полициски час во општината за спречување на ширењето на ковид-19
Во изминативе два дена во Општина Гевгелија беа регистрирани 77 лица позитивни на Ковид-19.
