Министерството за здравство информира дека во последните 24 часа се направени 3.144 тестирања, а регистрирани се 726 нови случаи на ковид-19 од кои најмногу во Скопје – 367.
По Скопје градови со најмногу заразени лица се Прилеп, каде има 53 нови случаи, Куманово – 34, и Неготино – 29.
Пријавени се вкупно 7 починати лица, од кои двајца пациенти се од Скопје (77г,74г) и двајца од Кичево (71г, 51г) , и по 1 пациент од Битола (72г), Неготино (67г) и Кавадарци (64г)
Регистрирани се 368 оздравени пациенти.
Вкупниот број на ковид дијагностицирани во земјава од почетокот на епидемијата е 103.746, на оздравени пациенти е 91.875, а бројот на активни случаи е 8.720.
