Францускиот суд му изрече тригодишна казна на поранешниот претседател Никола Саркози, откако го прогласи за виновен за корупција и за тргување со влијание. Пресудата вклучува една година затвор и уште две години условна казна. Пензионираниот политичар, кој го негираше обвинението има рок од 10 дена да се жали на пресудата.
Обвинителството тврдеше дека 66-годишниот поранешен претседател се обидел да го поткупи судијата Жилберт Азиберт нудејќи му престижна работа во Монако, за возврат да добие информации во врска со истрагата за финансирањето на неговата изборна кампања.
Саркози седна на обвинителна клупа
Претходникот на Саркози, Жак Ширак, беше прогласен за виновен во 2011 година за злоупотреба на народни пари како градоначалник на Париз и доби двегодишна затворска казна.
