Европската комисија денеска се очекува да објави повеќе правни постапки против Унгарија за неуспехот да го измени законот со кој се бара граѓанските организации да откриваат странски донатори. Највисокиот суд на Европската унија донесе одлука во минатата година дека законот „воведува дискриминаторски и неоправдани ограничувања во однос на организациите и на лицата кои им даваат таква поддршка“ со кршење на основните права на ЕУ, вклучително и за заштита на личните податоци и слободата на здружување. Комисијата сега се подготвува да започне понатамошна правна постапка против Унгарија, бидејќи не успеа по донесувањето на пресудата за промена на законот од 2017 година.
ЕК побара од Будимпешта продолжување на работата на независното Клубрадио
Доколку се донесе одлука, на Унгарија ќе и биде испратено „писмо за официјално известување“ и ќе има рок од два месеца да одговори. Доколку Унгарија не се придржува до овој термин, Комисијата може да побара Судот на правдата на Европската унија да ја казни Будимпешта. ЕУ долго време го обвинува унгарскиот премиер Виктор Орбан за поткопување на демократските стандарди, на слободата на судовите, медиумите, невладините организации и за кршење на законот со неговиот рестриктивен став кон миграцијата.
