Грчкиот премиер, Кирјакос Мицотакис, при денешната реконструкција на Владата, направи промени во неколку министерства и замени еден владин портпарол, јави МИА од Атина.
Промени има во Министерството за труд каде што дојде Костис Хаѕидакис од Министерството за енергија и животна средина, додека пак досегашниот министер за труд, Јанис Вруцис, остана надвор од Владата, исто како и досегашниот министер за внатрешни работи Такис Теодорикакос, на чие место дојде министерот за земјоделство Макис Воридис.
Досегашниот портпарол на Владата и заменик-министер под премиерот за комуникации и информирање Стелиос Пецас заминува на позицијата алтернативен министер за прашања поврзани со самоуправа, додека пак на негово место доаѓа пратеникот Христос Тарандилис.
