Избраната претседателка на Молдавија Маја Санду денеска ја презема функцијата од Игор Додон. Премиерот на Молдавија, Санду, кој е за поблиски врски со Европската унија, треба да номинира мандатар за премиер. Вчера молдавската влада поднесе оставка. Таа беше главно составена од министри кои се лојални на Додон кој пак ја има поддршката од Кремљ и кој денеска ќе ја посети Москва.
Парламентот на Молдавија и ги одзема на новата претседателка ингеренциите врз разузнавањето
На претседателските избори во ноември се гледаше како на референдум за двете дивергентни визии за иднината на источно-европската нација со 3,5 милиони жители, која се наоѓа меѓу Украина и Романија. Санду, поранешна економистка на Светска банка вети за време на нејзината претседателска кампања дека ќе се бори против ендемската корупција во Молдавија. Таа повика на повлекување на руските трупи од сепаратистичкиот регион Трансдњестар, поддржан од Москва, по што Кремљ предупреди дека тоа може да доведе до „сериозна дестабилизација“.
