Бројот на починати од ковид19 денеска во Европа надмина 400 000 луѓе. Како што јавува Агенцијата Франс прес вкупниот број починати изнесува 400 649. Најголемиот број се во Британија, вкупно 57 551, потоа следува Италија со 53 677, па Франција со 51 914 и Шпанија со 44 668 починати.
Иако ширењето на вирусот се забавува поради силните рестриктивни мерки што ги преземаа повеќе држави, Европа се уште е најсилно погодена од пандемијата, а минатата недела беа регистрирани повеќе новозаразени отколку во Соединетите Американски Држави.
Во светот, пак, до денеска се регистрирани повеќе од 62 000 000 заразени со ковид19, а 1 450 271 починаа. Активни случаи се околу 17 800 000.
