Му честитам на Заев, тој собра храброст, поради што некои од неговите противници го критикуваат. Ако се продоложи вака, мислам дека следната година можеме да зборуваме за започнување на преговарачкиот процес, изјави бугарскиот министер за одбрана Красимир Каракачанов, осврнувајќи се на интервјуто на македонскиот премиер Зоран Заев за БГНЕС.
Како што јави БГНЕС, коментирајќи го ставот на Заев за заедничка историја на двете земји, Каракачанов нагласи дека „историјата е заедничка, но мора да се разјасни чија е”.
„Таа е заедничка, но тоа е бугарска историја. Бугарија мора да го брани својот национален интерес“, рече Каракачанов.
Црвенковски го замрзнува членството во СДСМ додека партијата не се огради од ставот на Заев
Заев во вчерашното интервју за бугарската агенција БГНЕС изјави дека „Бугарија не е фашизам и дека имаме заедничка историја со Бугарија“, што предизвика многубројни критики во македонската јавност, и кај опозицијата и кај дел од неговите сопартијци и кај историчарите.
