Убедена сум дека премиерот сака буквално да ја истурка земјата да оди напред, но и покрај сите негови напори тој не може да ѝ помогне на нашата сосетка Бугарија, бидејќи бугарското општество мора, како и секое друго, самото да се справува со темните страни од своето минато, изјави денеска министерката за култура Ирена Стефоска, во однос на вчерашното интервју на премиерот Зоран Заев, во кое тој рече дека „Бугарија не е фашизам и дека имаме заедничка историја“.
Заев: Жалам за негативните емоции, но имам обврска да поттикнам решение
Има многу примери, посочи Стефоска, која е историчарка, како тоа се случувало и како се работи на справување со минатото, како што пред педесет години германскиот канцелар Вили Брант при посетата на Полска клекна пред споменикот на хероите и на тој начин побара прошка и се извини за злосторствата на нацистите во Втората светска војна и така го отвори патот на процесот на простување.
Димитров: За овој „вирус“ на идеали залудно се бара вакцина
Борците навредени, Заев ги разбира негативните емоции
„Од друга страна, во секоја национална историја има разни страни – темни и светли, и секој си е одговорен за соочување и справување со сопственото минато. Но, тоа не може да биде пречка, услов за нашите евроинтеграции“, изјави Стефоска и додаде дека „ако услов за нашите евроинетргации се историјата или идентитетски прашања, тогаш немаше да постои Европската Унија“.
