Министерството за здравство соопшти дека во изминатите 24 часа во ковид – центрите се лекуваат вкупно 812 пациенти позитивни и суспектни на коронавирусот. Според министерството, има околу 150 празни болнички кревети во ковид – центрите, а во текот на денот се прават и исписи на оздравени пациенти со што ќе се ослободат дополнителни легла.
За 24 часа во Македонија 597 пријави за неносење маска за лице
За 24 часа 39 нови пациенти во скопските ковид центри
Од министерството додаваат дека сите одделенија на клиничките болници располагаат со болнички места до кои има довод на кислород. И покрај големиот наплив на пациенти во изминативе десетина дена, како што се наведува во соопштението, Министерството за здравство е во постојан контакт со сите болници и доколку има потреба, капацитетите на ковид одделенијата ќе бидат дополнително проширени.
