Дневно се прават од 300 до 500 брзи тестови според динамиката на тестирање и распоред кој го прави Здравствениот дом Скопје. Од вчера почна тестирање со брзи тестови во шест пунктови (во поликлиниките Јане Сандански, Ѓорче Петров, Чаир, Ченто, Бит Пазар и Млин Балкан).
Министерот за здравство Венко Филипче изјави дека брзите тестови се распределени во сите болнички установи каде се примаат пациенти, а се прави и план да бидат дистрибуирани и во други центри за јавно здравје ширум државата.
На шест пункта во Скопје брзи антигенски тестови
И за овие тестови се закажува термин преку матичен лекар. Со нив може да се тестираат пациенти кои се во рамките на пет дена од почетокот на симптомите, ако се поминати тие денови се прави класично ПЦР тестирање, изјави денеска министерот за здравство Венко Филипче по посетата на пунктот за брзи тестови во поликлиниката „Јане Сандански“.