Пратеникот Игор Дурловски од ВМРО-ДПМНЕ си заминува од пратеничката функција.
Дурловски, кој на парламентарните избори учествуваше во изборот за пратеничката функција во коалицијата „За обнова на Македонија, оваа своја одлука синоќа ја објави на својот Фејсбук профил.
„Националните интереси, правда за неправедно прогонетите и нормална држава за нашите деца беа/се мои приоритети. Пратеничката фотеља боде кога политичката прагма станува поважна од моралот. Затоа, го напуштам Собранието на Република Македонија, а на колегите од коалицијата „За обнова на Македонија“ им посакувам истрајност, доследност, мудрост, којашто сум сигурен дека ја имаат. Тоа што го зборував не можам да го направам, но сега нема да зборувам а ќе продолжам да го правам, напиша Дурловски на својот Фејсбук профил.
Дурловски беше носител на листа во Петтата изборна единица.
